მე შენთანა ვარ... დაბადებისას,
მითხარი, მარტო როგორ დაგტოვო,
მე ახლაც ვარღვევ ალბათ კანონებს,
ხომ მაპატიებ, ჩემო ავტორო...
რა ვქნა, თუ ასე არ ჩამიფიქრე
და ვერ მომარგე შენი აზრები,
შენგან წასვლასაც გადავიფიქრებ,
ოღონდაც შენ ნუ გამიბრაზდები.
თორემ წყალივით ეს დღეც წავიდა,
მეც ამ მდინარეს ალბათ წავყვები,
შენ კი დამწერე მერე თავიდან,
გინდა მიწოდე სულ სხვა სახელი...
მე მოვალ შენთან, რადგან სიშორეს
ვეღარ დაიტევს ბედის ხაზები,
ათას სამდურავს გამომიგონებ,
ათასმეერთედ გამიბრაზდები.
..........................
ნუ მიჩუმდები, შემომეშველე...
ისე ამაწყვე, როგორც დამშალე...
ანდა, მითხარი, რომ... შეგეშალე
და ერთი `წკაპით~ უცებ წამშალე.
No comments:
Post a Comment