მე არ მინდა უშენო შენი ოთახი,
თავისი ქაოსური წესრიგით _
ყავის სმისას დაბადებული და დაუბადებელი აზრებით,
გადაწყვეტილი და გადაუწყვეტელი საქმეებით,
კედლებზე კალენდრის ფურცლებით _
დაგეგმილი წუთებით და საათებით...
დაუგეგმავი წვიმით სარკმელზე...
გამოიზოგე
ჩემი მოთმინება,
ვიხილები და მოვდივარ...
დაგეძებ
მაგიდის ქვეშ, კარადაში,
დახურულ წიგნებში,
გამორთულ კომპიუტერში,
კედელზე გაკრულ პეიზაჟებში...
პ.ს.
არ უნდა გამეფრთხილებინე,
რომ მოვდიოდი,
დამალვა რომ არ მოგესწრო...
დაგეძებ ყავის ჭიქის ნალექში,
დაულეველ წყალში,
დაუწერელ ლექსებში...
ვიხილები და მოვდივარ...
No comments:
Post a Comment