ვმადლობ . . . **ირაკლი გაფრინდაშვილი**

ავტობიოგრაფიული ლექსი :)

ვმადლობ ცამეტი ივლისის ლურჯ ცას,

მზის ქვეშ ცხოვრების ნება რომ მომცა.

დედას, მამას და წმინდა სამებას -

რომ თქვენთან ჩემი ინებეს ყოფნა.



მომცეს ფერების დიდი პალიტრა ,

გამოკვეთილად თეთრი და შავი …

ვცდილობ ცხოვრება გავიფერადო -

მიყვარს კეთილი და მძაგს კი ავი.



რა დამავიწყებს ბებიის ამაგს -

ნათენებ ღამეს ჩემი ძილისთვის .

ბაბუს კალთაში მოსმენილ ამბავს -

დანთებულ ბუხარს თბილი დილისთვის.