Saturday, July 28, 2012

ისეთი სუფთა სიყვარულია... **ლელა ცუცქირიძე**

***
ისეთი სუფთა სიყვარულია,
როცა მოდიხარ,
დგება სახლში
თოვლში გამშრალი, 
გახამებული თეთრეულის კამკამა სუნი.
ისეთი თბილი სიყვარულია,
როცა მოდიხარ,
მე - თეთრეულზე 
ბამბის ძაფით ამოქარგული,
გაყინული, თეთრი ყვავილი ვდნები, 
ვიშლები.
სხვა არაფერი შემიძლია,
ვიშლები-მეთქი, ნელ-ნელა ვქრები.
ისეთი დიდი სიყვარულია.

No comments:

Post a Comment