ადამიანი ჩიხია და ლაბირინთი...
ის შედის საკუთარ თავში და იკარგება,
ავიწყდება რომელი კარით შევიდა.
სწორედ ის კარია გასასვლელიც,
რომელიც შესასვლელია... _
ვკარნახობ საკუთარ თავს.
და საერთოდ, რას და(ვ)ეხეტები,
ან ძაფი გამოიბი და ისე იარე,
ან სიტყვების გუდიდან დროდადრო
ანბანი გადმოჰყარე და დააწყე ასე:
აქ უკვე ვიყავი...
ეს გზა გავიარე...
ამ წყაროს წყალი დავლიე...
ამ ჭინჭარმა დამსუსხა...
ეს უცნობი იმდენჯერ შემხვდა, უკვე ნაცნობია...
ეს წერილი უკვე მივწერე 7 წლის წინ...
წინ თუ უკან...?
მაგასაც რა მნიშვნელობა აქვს, როცა წრეზე ტრიალებ.
07.08. 2012
No comments:
Post a Comment