...მე ისე ადრე მოვედი,
ვერც შემამჩნიეს ბინდში...
- ნუთუ ასეა ყოველთვის:
- ადრე მოსული პოეტის
გზაც იბინდება შიშით?!.
...მე ისე ჩუმად მოვედი,
არც შერხევიათ ბეწვი...
- ნუთუ ასეა ყოველთვის:
- ჩუმად მოსული პოეტის
დამხვდური არის ეჭვი?!.
...მე ისე წრფელად მოვედი,
ო, შენთან ისე მსურდა!..
ნუთუ ასეა ყოველთვის:
- დამხვდური ყველა პოეტის
უგულობაა მუდამ?!.
- მე ისე მაინც ვერ წავალ,
ამ გულის ცეცხლ-ნაპერწკალმა
არ მოგანათოს გულთან!..
No comments:
Post a Comment