Tuesday, February 1, 2011

ხალხურ მოტივებზე ♥ ნუციკო დეკანოზიშვილი

დილას აქეთია ვუყვები შენს შესახებ ღმერთს...
ცა პათოლოგიურად ცისფერია,
უბრალოდ, დალევს და წვიმს.

"თებერვალი დადგაო" ... და მე,
"ხეში წყალი ჩადგაო"... და გსვამ,
"ჩიტმა ჩიორამაო"... და შენ,
"საძირკველი ჩადგაო"... და

სად

არიან გახელილი სიზმრები და,
უსასრულო დღეები გზაწვრილები-ვით,
მე დღეს შენზე ვუყვებოდი ღმერთს,
მის ეზოში ყოჩივარდები

იწვნენ...

"თებერვალი დადგაო"... და შენ,
"ხეში წყალი ჩადგაო"... და ცრი,
"ჩიტმა ჩიორამაო"... და მზე,
"საძირკველი ჩადგაო"... და შინ

ვარ...

საყდრის მწვანედ აქაფებულ გზას
ნაპერწკლებით ველაციცე-ბი,
თითქოს შენ...
"თებერვალი დადგაო" ... და დღეს
შენს შესახებ
ათას რამეს ვუყვებოდი ღმერთს.

1 comment:

  1. please keep sharing of knowledges with us.Thanks a lot for your great posting.
    Soccer Betting

    ReplyDelete