მერე მეტყვი: მე რა შუაში ვარო...***ცირა ბარბაქაძე ***

&

შენა ხარ ღრუბელი, მოუხელთებელი...

იშლები ფორმებად და ფერებად,

ჩემს გულში ვრცელდები და საზღვრებს კარგავ...

მე ღრუბლების მწყემსი ვარ _

თეთრები, ვარდისფერები, უფეროები... საწვიმარები და ნაწვიმარები...

_ გეცნობა ეს ღრუბელი, მარცხენა კუთხეში?

_ გეცნობა, აბა, რა... ყველა შენა ხარ!

ჩემი თვალებიდან გადმოდიხარ და დადიხარ...

ღრუბლებზე და ღრუბლებს ზემოთ...

ყვავილებზე, ხეებზე,  ადამიანებზე...

ყველგან შუაში ხარ...!

მერე მეტყვი: მე რა შუაში ვარო...?

ყველაფრის შუაში შენ ხარ და რა ვქნა?

2011 წლის 26 06