იჯექი, თითებზე დღეები ითვალე,
სანთელი დაანთე დაღლილი მთქნარებით,
დამალე ჯღანებში ფეხები ტიტველი.
გააღე სულ ყველა დახშული კარები!
მაგ სულს რომ კარცერად უქციე გარემო,
აცადე სათქმელი, თავის გზით ატარე,
გაწელე დღეები როგორც რომ გარმონი
ძველ პანაშვიდებზე. მეზობლის პატარა
ბავშვივით, ხალისი აჩუქე სამყაროს
სიცოცხლის არსზე და შენს შანსზე იფიქრე,
გაუშვი თუ ითხოვს ეგ სული -საპყარი,
შენც გაჰყევ, ოცნების რაშებით იფრინე.
მერე კი დღეები თითებზე ითვალე
იმ შენი ნამდვილი ედემის ნახვამდე
და მოკვდი მშიერი, მწყურვალი, ტიტველი
და თავისუფალი ჩიტივით... ნახვამდის!
01.04.12.
ბობნევი, ღამე
No comments:
Post a Comment