მზემოკიდებულ ჭვავის ყანას გაექცა გველი
ადევნებოდა ოქროსფერი უმხურვალესი,
ცახცახებს ვნება უმაძღარი,ცეცხლივით მწველი
და სურვილს გიკლავს სათივეზე ქალის ალერსი.
გაშიშვლებულა სიყვარული სიშიშვლით ურცხვის,
ქათქათებს მკერდი და მკათათვის ზიზღით ვინთები,
ამომაკვნესებს ღაწვდახოკილს სიმლაშე კურცხლის,
ეჭვიან მზერას დაფარავენ სველი თითები
და... გარინდება ჩააკვდება სხეულს ხელებში,
და... ბინდისფერად მინავლული - უღვთო ღალატით,
ვიხეტიალებ გაფითრებულ,ჩამქრალ ფერებში,
ვით განთიადის მომლოდინე ბედის ჯალათი.
No comments:
Post a Comment